તું અને તારી વાતો…

તું અને તારી વાતો
વિચારતાં જાગું આખી રાતો
કેવો ગજબ નો છે આ નાતો
જવાબ શોદ્યે નથી શોધાતો..

ખુલ્લી આંખે જોઉં  સપના
સપનામાં જોઈ તને હરખાતો
પીધા છે જામ તારી ચાહતના
થાક ઉજાગરાનો કેમેય નથી વર્તાતો..

સરોવરથી પણ ઊંડી તારી આંખો
અણકહ્યો પ્રેમ છે એમાં છલકાતો
મુખની મારા રેખાઓ જોઈ
ચહેરો છે તારો મસ્ત મલકાતો..

ફુરસદ મળે અનુભવિજો મનમાં
કિસ્સો તારોમારો કેવો છે ગરમાતો
સ્નેહના સાગરમાં વ્હાલની કસ્તી પર
એકમેકના હૈયે હસીન છે ચિતરાતો..

~ કલ્પતરૂ

Advertisements

સ્વપ્નસુંદરી

image

ઝંખનાઓનો સાપ હૃદયમાં ભીતર દંશ મારે
દિલ પ્રેમરૂપી ઝેરનું મારણ પામવા વલખાં મારે
તડપની આ ખરબચડી સડકની પેલી પારે
સ્વપ્નોની સુંદરી રમતિયાળ નયનો ઉછાળે
સમય આવશે ત્યારે કિસ્મત ના સથવારે
થશું એ સ્વપ્નસુંદરીના અમે પ્રાણદુલારે
આગમનથી જેના જીવન ઉત્સવ બનશે અમારું
રાહ જોતી હશે એ નાર ક્યાંક પોતાને દ્વારે

~ કલ્પતરૂ

જીવ્યા કરીશ…

જીવ્યા કરીશ એ સઘળું અવિરત
એ વાતો એ રાતો એ યાદો હમેશા
પાંપણ પર પાણી ન લાવીશ કદી હું
બસ રડ્યા કરીશ મનોમન હમેશા
મળી છે મને જો તક કોઈ એવી
ખબર તારી પૂછતો રહીશ હમેશા
ભલે તારા કદમો રહી શક્યા ના અડીખમ
આ પાગલ હ્રદય માં રહીશ તુ હમેશા

~ કલ્પતરૂ
16/12/2015

ગમ્મત લાગે છે…

હોઠો પર લાવવી મનની વાત,
બહુ મહેનત માંગે છે
શી ખબર મળશે કે નહીં સંગાથ,
એતો કિસ્મત માથે છે
મારું હૃદય તારા રુદીયામાં રહેવા
આમરણ અનામત માંગે છે
શાણી થઇ તું  પ્રેમ બક્ષીપંચી હોવાનું
સાચું પ્રમાણપત્ર માંગે છે
સાલું, ગમ્મત તો નથી પણ તને
આ ગમ્મત લાગે છે…
મારો પ્રેમ પ્રસ્તાવ પણ તને
એક રમત લાગે છે…

~કલ્પતરૂ

દિવસ રાત જાગતું આ શહેર…

image

દિવસ રાત જાગતું આ શહેર
હર પળ હર ક્ષણે ભાગતું આ શહેર
દિવસ રાત જાગતું આ શહેર
કોઈક ના જીવનમાં ખુશીઓની લહેર
તો કોઈ પર વરસાવતું દુઃખોનું કહેર
દિવસ રાત જાગતું આ શહેર
લાખો લોકોને સમાવતું આ શહેર
હજારો લોકોને ભરખતુંયે આ જ શહેર
દિવસ રાત જાગતું આ શહેર
આશાઓ, સપનાઓ અને મહત્વાકાંક્ષાઓ
જે લઈને આવે એને રાખતું આ શહેર
દિવસ રાત જાગતું આ શહેર

~ કલ્પતરૂ

” તારો ખયાલ “

જ્યારે પણ તારો ખયાલ આવે છે
મારા મુખ પર એક ગજબ મુસ્કાન આવે છે

જ્યારે ફોન પર થાય છે તારા મેસેજ નું vibration
ચહેરા પર થાય છે અવનવી સ્માઇલ્સ નુ collaboration

જ્યારે તું દુઃખી છે એવો આભાસ થાય છે
ત્યારે મન મારું પણ અતિવિચલિત થઈ જાય છે

જ્યારે તું મારાથી દૂર જશે, ત્યારે ખબર નહિ શું થશે?
કદાચ મારી હાલત એક નિર્જન ટાપુ પર રહેતા વ્યક્તિ જેવી હશે!!!!

~ કલ્પતરૂ

બદલવી દશાઓ

બદલવી દશાઓ બદલવી દિશાઓ
બદલવા બધાના વિચારો હવાઓ
નામુમકીન કહે લોકો એ પણ બદલવું
મુજ નાજુક સા હાથોને સઘળું બદલવું
જોવું છું હું સપના છે ઊંચા વિચારો
આ આંખોના દરિયાના સપના હજારો
હું છોકરી છું તો ટોકે છે લોકો
મને ડગલે ને પગલે વર્તાતો મુંજારો
નારી નારાયણી સહુ કહેતા ફરે છે
બસ આટલું કહી બધા શું કરે છે?
દેવીઓ સહુ પૂજે આરાધે કરે ભક્તિ
દેવી સમાન નારીની કમ આંકે છે શક્તિ
ઊડવું ખુલ્લા સુંદર નીલા આ આભે
મુજ પાંખો મુજને છે ઊડવા પુકારે
બદલવી દશાઓ બદલવી દિશાઓ
બદલવા બધાના વિચારો હવાઓ
~ કલ્પતરૂ